Piyada keçidində adam var

0
244

Bakı şəhərində avtomobil sürməyin necə bir şey olduğunu hər kəs yaxşı bilir. Çox vaxt, sürücü və piyada ehtiyatsızlıqları ucbatından hər iki tərəf arasında problemlər qaçılmaz olur.

Fikirimcə bütün hallarda sükan arxasında olan, nəqliyyat vasitəsini idarə edən hər kəs təhlükəsizlik qaydalarına maksimum riayət etməli və harda olursa olsun piyadaların təhlükəsizliyi daha vacib hal kimi düşünülməlidir.

xanim_rul

Niyə sürücüdən və piyadadan yazılır? Bloqpostu yazmaq ideası yol hərəkəti qaydaları ilə bağlı baxdığım bir verilişin təsirindən ortaya çıxdı. Məqalənin kökündə brend menecer, istehlakçı və brend münasibətləri durur.  Necə? Brend menecer (brendi idarə edəndir, yəni nəqliyyat vasitəsini idarə edən sürücü), Piyada isə (istehlakçıdır, o harda olursa olsun, hardan keçirsə keçsin, təhlükəsizliyi öndə olmalıdır). Sürücülərdə bir neçə kateqoriyaya bölünürlər – məsuliyyətli, təcrübəli, təcrübəsiz və birdə fərsiz sürücülər. Bir çox hallarda da qəzalar “fərsiz sürücü”lər ucbatından baş verir. Məqalə müştərilərinin təhlükəsizliyini, yəni hədəf kütlələrin maraqlarını, onları narahat edən məsələləri nəzərə almayan “fərsiz brend menecerlərə” aiddir. Son zamanlar, tanıdığım və tanınan bir çox brendin dəyərini göz görə-görə kiçildən, dəyiş-düyüş edərək markanı korlayan brend menecerlər tanıyıram. Brendi strategiyada nəzərdə tutulan  şəkili üzərindən idarə etmək əvəzinə, sui-qəsdlərlə yaralayaraq, məhvə məhkum edirlər. Ötən məqalələrimin birində sitat yazmışdım: ”Brendlərin ölmək ehtiyacları yoxdur. Lakin onları öldürmək olar”. (Larri Layt)

Brend menecerlər müştəri və brend arasında qarşılıqlı əlaqələri qurmaq əvəzinə bütün prinsipləri pozaraq münasibətləri korlamaqla məşğul olurlar. Bu necə baş verir? İş prosesləri zamanı demək olar ki, istehlakçıları unudaraq, bütün güc və enerjilərini məhsul və ya markanın inkişafına yönəldirlər. Belə bir yanaşmaya Teodor Levittin tərifi ilə baxaq: O, buna “Brand management myopia” yəni “marketinq fərasətsizliyi” deyir. Şahidi olduğum və hazırda da marketlərimizin vitrinlərində satışa çıxarılan onlarla ticarət markalarımız mövcuddur ki, brend menecerlər istehlakçı dəyərlərini, istehlakçı ehtiyaclarını, brendlə bağlı problemlərini, onların mövqelərini və brendin gələcək inkişaf perspektivlərini nəzərə almadan doğru bildikləri addımları atırlar.

Burda isə əsas nüans unudulur. Unutduqları – Brendin gələcəyini onlar yox, məhz istehlakçılar müəyyən edirlər. Əslində bazarda “fərsiz brend menecerlər”in olması daha güclü olanlar üçün böyük fürsətlər yaradır. Gücdən düşmüş brend müqavimət göstərə bilmədiyi üçün güclülər “marketinq fərasətsizliyi”ni müəyyən edərək, incimiş istehlakçıları öz markalarına daha rahat şəkildə cəlb edərək əlaqələr qurur, brendin bazardakı mövqeyini möhkəmlədirlər. Ona görə ki, müştəri küsmüşdür, küsənlərsə şüuraltı olaraq təsəlli verənləri axtarırlar. Məncə brend sükanının arxasında olan fərsiz sürücülər (fərsiz brend menecerlər), piyada keçidində adamların olmasını (istehlakçıları) unutmamalıdırlar. Əks halda qəzalar qaçılmaz olacaq.

Təlimlərimdə tez-tez işlətdiyim bir söz var: “Məhsulları reklam etməklə, brend yaranmır. Brendi istehlakçılar yaradır. Elə isə öz istehlakçılarınızı yaradın ”.

Sizin marketinq bələdçiniz..

(115 dəfə baxılıb)

LEAVE A REPLY

Please enter your comment!
Please enter your name here