Ötən məqaləmdə “shopper marketing” barəsində qısa da olsa məlumat verdim. İkinci yazımda isə əsas prinsipləri barəsində məlumat vermək istəyirəm. “Shopper marketing”in prinsipləri dörd qisimdən ibarətdir. Bu da o deməkdir ki, maqalələrim 4 hissəli olacaq . Bu dəfə  “Shopper marketing”in ilk prinsipi barəsində məqalə ilə tanış olun.

  1. Hədəf auditoriyanızı anlamağa çalışın

İstehlakçı hədəf kütlələrinizin alış – verişlər zamanı davranışlarına təsir edən məntiqi tutmağa cəhd olunmalıdır. Ancaq belə olduğu halda təsir mexanizmləriniz yaxşı mənada effektli ola bilər. Ancaq təəssüf ki, bir çoxları alıcı ilə istehlakçıları səhv salırlar. Məhz elə buna görə də “shopper” metodu bizim köməyimizə çatır. Misal : valideynlər, uşaq bezləri alırlar. Burada valideyn alıcı, uşaq isə itehlakçıdır. Yaxud, biri öz pişiyi üçün yem alır, alıcı pişiyin sahibidir, istehlakçı isə pişikdir. Yolun əvvəlindən hansı auditoriya ilə çalışacağınızı müəyyən etməklə, siz gələcək fəaliyyətinizin uğurunu təmin etmiş olursunuz. Məhz elə buna görə də marketerlər alıcıların məqsədlərini, davranışlarını, alışları harada etdiklərini bilməlidirlər. Statistika göstərir ki, mağazaları ziyarət edən alıcıların 20%-i qadınlardır. Xanımlar bir çox hallarda əllərində ərzaq siyahısı ilə marketlərə gələrək, bir dəfəyə külli miqdarda pul xərcləyirlər. Unutmayın ki, külli miqdarda pul xərcləməyə gələn xanımlar eyni zamanda başqa məhsullar üçün sadəcə ziyarətçi və alıcıdırlar. Misal olaraq – ziyarətçi xanım, siyahısında olmayan ədədli məhsullardan da ala bilər. Bu süd, diş pastası, qara çörək və s. ola bilər. Xanımların belə alışları onu göstərir ki, onlar siyahıdan da, nəzərdə tutulan büdcədən də kənarlaşmalar baş verir. Demək ki, xanımlar artıq “shopper marketing” prosesinin içindədirlər. Deməli marketinq menecer “shopper marketing” metodunu düzgün tənzimləyir.

Amerikada “Costco” supermarketləri var. Buradakı şərait adamlara böyük anbarları xatırladır. Belə ki, market sahibləri marketinq strategiyası ilə çox orijinal bir aksiyalar təşkil edirlər. Qadınlar satışda böyük endirimli brend çanta görürlər, aydın məsələdir ki, bu xanımlar üçün çox incə bir jestdir. Bu cür ticari marketinq aksiyaları “Costco” marketlərdə həftə ərzində davamlı olaraq keçirilir. Bunun da təsirindən məlum məsələdir ki, böyük kütlə axınları olur. Gələn ziyarətçilər özləri də bilmədən bu marketlərə davamlı gəlməyə vərdiş edirlər. Belə ziyarətlər isə “shopper marketing” fəaliyyətini daha faydalı hala sala bilmək üçün geniş fürsətlərə yol açır. Bu yolla “Costco” supermarketlərinin marketinq mütəxəsisləri, ziyarətçilərin, istehlakçıların öz səbəbətlərinə nələri qoyduqlarını daha dəqiq bilmiş olurlar.

Başqa bir misal – Müştəri marketə gəlir, yeni məhsul görür, təbii hal olaraq diqqətini çəkir. Ancaq burada başqa bir məqam var. Deyək ki, diqqətini çəkən məhsulun dəyəri 30 AZN, çəkisi isə 5 kq-dır. Ancaq məhsulu ilk dəfə görən müştəri, tanımadığı məhsulu sırf test etmək üçün o məbləği ödəmək və ağır çəkili məhsulu almaq fikiri yoxdur. Bəs necə edək ki, marketdən əliboş çıxmasın? Marketinq menecer, burada da “shopper marketing” metodu ilə hədəfində olan müştərini əliboş buraxmamaq üçün,  həmin məhsulun test üçün qablaşdırılmış nümunəsini 1 manata satış edir. Məqsəd yeni məhsul ilə müştəri arasında əlaqələrin qurulmasını təmin etməkdir.

Növbəti misal – tutaq ki, siz supermarket işlədirsiniz, marketinizə əl silən kağızlar gətirilib. Ancaq məhsul yeni olduğu üçün alıcılar almaqdan ehtiyat edirlər. Bilirsiniz ki, kağızlar bağlı formada olur. Elə buna görə də müştəri ilə əmtəənin təmasını təmin etmək məqsədi ilə, yenə də test üçün nümunə kağızların paylanılması faydalı ola bilər. Əslində bütün bunlar hamısı “shopper marketing” in yanaşmalarıdandır.

Sizin marketinq bələdçiniz…

(124 dəfə baxılıb)