Alıcılarla (shopper)lə daimi dialoqun qurulması və dəstəklənməsi prinsipi (3-cü yazım)

0
49

Baxın, alıcının bir yolu var və bu yolun adı da (shopping)dir. Ancaq burada incə və bir çoxlarınızında fikir vermədiyi məqam ortaya çıxır. Satışlardan əvvəl yeni məhsullara qarşı alıcılarda ilkin vərdişlərin və təcrübənin yaradılması proseslərinin qurulması. Buna (pretail) deyilir. Yəni (retail)dan əvvəl formalaşan prosedur. Ola bilsin ki, maraq dairəmizə düşmüş məhsul və ya markanı internetdə, ya da qonaq getdiyimiz yerlərdə görmüşük. Bu bizə necə təsir edir? Elə özümüzdən götürək. Biz də ayrı-ayrılıqda bir istehlakçıyıq və tanımadığımız məhsulları da almazdan əvvəl mütləq şəkildə kiminləsə məsləhətləşirik. Sonra sınamaq üçün alırıq və s. Baxın məhz bu prosedurdan sonra (retail) başlayır. Məsələ burasındadır ki, alıcılar – hansı mağazalara gedəcəklər? O mağazalarda onlara lazım olan məhsulları tapa biləcəklərmi? Əsasəndə getdikləri yer hiper marketdirsə, orda mövcud olan zəngin çeşidlərin içərisindən istədikləri brendi necə tapacaqlar? Necə etməliyik ki, məhsulumuzun alıcısı razı qalsın, bizə sadiq olsun və davamlı olaraq bizim məhsul və ya xidmətimizdən yararlansın.

Shopper marketing – metodundan istifadə edirsinizsə və ya isitfadə etmək qərarına gəldinizsə, sadə və eyni zamanda da çox vacib olan bir elementə diqqət etsəniz alınacaq. Nədir bu incə məqam? Bu məqam sizin alıcılara satmağa can atdığınız məhsulu test etdirə bilməyinizdən keçir. Alış prosesində adətən iki baryer vardır. Misal – Alıcı onun maraq dairəsinə düşmüş avtomobilə ilk dəfə əyləşir, ilk dəfə sürür, rahatlığını, sürətini, səssizliyini hiss edir. Nəqliyyat vasitəsi ilə birbaşa tanışlıq alıcıya təsirsiz ötüşmür. Bu birinci baryer və “shopper marketing”in ən bariz və açıq nümunəsidir. Keçək ikinci baryerə, bu daha çox ailəli bəylərə aiddir və çox hallarda da keçilməsi çətin olur. Bu baryerin adı qadındır. Əslində birinci baryerdə bu fövqəladə gücdən asılıdır. Ona görə də marketerlər, kişi alıcıdan da çox onun qərarına təsir edəcək qadına  fokuslanmalıdır. Necə? Bax onu artıq özünüz fikirləşin və tapın. Sizə yaşadığım real hadisəni təqdim edirəm. 4 ilə yaxın mebel sektorunda çalışmışam. Mağazamızda çox bahalı brend mebellər satılırdı. Salonumuzda həm bahalı, həm də çox yöndəmsiz bir mebel dəstimiz də var idi. Bu dəsti bizim sahibkara avropalı qohumlarımız olan italyanlar satmışdılar. İnanın bu dəstin üstündə salon iki dəfə doldu, boşaldı. Ancaq bu mebel satılmırdı ki, satılmırdı. Bir gün salona ölkəmizin tanınan simalarından biri gəldi, özü də xanımı ilə. Pəh, elə Familə də bu lazım idi. İnanın rəsmən dəridən çıxdım, qadının saqqıznı oğurlayana qədər. Yəqin maraqlı gəldi, necə oldu ki, xanımı bu malı almağa təşviq edə bildim? Satış zamanı qulağım ərlə arvadın pıçıltılarında idi. Bu satış prosesində çox önəmlidir, sizə kiçik bir sirr açım. Mən marketinqə satışdan gəlmişəm. Nəysə. Qadının statusa meyilli biri olduğunu anladım və xanıma təklif etdim ki, gəlin sizə bu mebel barəsində qısa məlumat verim. Artıq anlamışdım ki, qadın mənim ağzımdan eşitmək istədiyi sözləri dinləməyə hazır idi. Mən də elə etdim. Mebelin tarixi barəsində və bu üslubda olan mebelləri ən çox İtalyanın zadəgan ailələrinin aldığını demişdim ki, xanım yoldaşına tərəf çevrilərək dedi, mən bu mebel dəstini evimizdə görmək istəyirəm, vəssalam. Bəli, kişi suyu süzülə-süzülə mebeli almağa məcbur oldu. Qadınlar böyük təsir gücünə malikdirlər. Sizə ən son satış texnikalarımda istifadə etdiyim və mənə hər dəfəsində uğur gətirən bir metodun sirrini açıram. Bu sirrin adı qadındır. Salonumuza xanımı ilə gələn kişilərə ən bahalı olanı sata bilirdim ki, bu da mənə 2005-2009-cu illərə görə ciddi pular qazandırırdı.

Ümid edirəm ki, “shopper marketing” barəsində paylaşdığım fikirlər və təcrübədə yaşadıqlarım sizə bu metodu daha geniş mənada anlamağa yardımçı olacaq.  Bu metodda əsas olan, alıcını istehlakçıya çevirməyi bacarmağınızdır. Bunu bacarsanız, uğur sizindir.

Sizin marketinq bələdçiniz…

(121 dəfə baxılıb)

LEAVE A REPLY

Please enter your comment!
Please enter your name here