Demarketinq strategiyası

0
35

       Zamanla hər hansı bir məhsula olan tələbat pik həddə çatır. Düzdür, belə bir şey çox nadir hallarda baş verir. Bir çox marketinq mütəxəsisləri yaxşı başa düşürlər ki, məhsula və ya xidmətə qarşı yaranmış aktiv tələbat zamanla, şirkətə problemlər törədir. Ola bilsin ki, sualınız yarandı. Məhsula tələbatın çox artması, nə problem yarada bilər ki? Əslində problemlər yaradır və qarşısı alınmadığı təqdirdə, problemlər daha da böyüyə bilər.

Misal1: Artan tələbatın qarşısını zamanında almayanda, problemə çevrildiyinin canlı şahidi oldum. Belə ki, bir sahibkarla konsultasiya məsələsi ilə bağlı görüşdə buna əmin oldum. Deməli, söhbət əsnasında müəyyən olundu ki, təsisçinin istehsal etdiyi bəlli məhsul çeşidinə qarşı tələbat elə bir həddə çatıb ki, artıq sifarişləri zamanında çatdıra bilmir. Hətta belə bir söz də işlətdi, mən artıq həmin çeşidin sifarişindən boğaza yığılmışam. Təbii ki, təsisçi sifarişin artmasından yox. Həmin məhsulun, ardı kəsilməyən aktiv sifarişlərinin  həm istehslatın işinə, həm də xammal tədarükündə problemlər törətməsindən narahatdır. Hə, bax bu məqamda “demarketing” strategiyası olsa idi, yaranmış problemin qarşısını rahatlıqla ala bilərdi deyə düşünürəm.

Misal2: Zamanla çox istehlak etdiyimiz məhsulları bir çox marketlərdə axtarırıq, ancaq bir cürə tapa bilmirik. Bu defisitin yaranmasına səbəbin kökündə əslində, aktiv tələbatın artması durur. Belə olan halda şirkət ya bilərəkdən defisit yaradır. Ya da ki, proqnozlaşdırdığından çox satılması durur. Proqnozlaşdırılandan artıq satılması, idxalçı şirkəti təkrar məhsul idxalına vadar edir ki, bu da minimum 1 ay və ya 3 aylıq bir proses deməkdir ki, şirkətin fəaliyyətnə öz mənfi təsirini göstərir.

 Bəs tələbat pik həddə çatanda nə etməli?

  Məhz belə bir məqamda sağlam və uzun müddətli marketinq strategiyası olan şirkət, “demarketing” strategiyasından istifadə edərək, müştəriləri və istehlakçıları incitmədən məhsula yaranmış aktiv tələbatın qarşısını alır. Ancaq şirkətin “demarketing” strategiyası, aktiv tələbatın qarşısını almaq gücündədir.

Bunun səbəbləri nələrdir?

         Belə bir hal istənilən şirkətdə yaşana bilər. Hətta bazarda rəqabət gücü olan şirkətdə belə. Səbəblər bir çox hallarda aşağıdakı kimi formalaşır.

  • Yanlış satış proqnozları;
  • İstehsalçı müəssisədə baş vermiş hər hansı bir hadisə və bunun da təsirindən, idxalçının satışlarına mənfi təsirləri;
  • Yerli istehsalçı şirkətin özünün xammal tədarükündə yaranmış problemlər;
  • İstehsalçı şirkətin köməkçi material anbarında yaranmış problemlər;
  • İxracat şöbəsinin yanlış proqnozu;
  • Vaxtında verilməyən qərarlar və s.

            Məhz elə buna görə də səbəbindən asılı olmayaraq, məhsulla bağlı yaranan istənilən problemin qarşısını ancaq və ancaq “demarketing” metodu ilə almaq mümkündür. Bu metod vasitəsi ilə şirkətlərə qarşı yaranmış narazılıqların qarşısını almaq olur.

Bəs bu məqamda “demarketing” necə işləyir?

Demarketinq – strategiyası olan şirkətlər bunun qarşısını bir çox hallarda aşağıdakı üsullarla alırlar.

  • Məhsulun qiymətini bilərəkdən qaldırırlar;
  • Həmin məhsula yönəlik bütün marketinq aktivliklərini durdururlar;
  • Həmin məhsulun reklamlarını durdururlar;
  • Bilərəkdən ya istehsalatda və ya idxal zamanı defisit yaradırlar;
  • Digər alternativ məhsullara yönəlik aksiyalar keçirdərək, istehlakçıların diqqətini başqa məhsullara yönəldib, məhsula olan tələbatı aşağı salmaqla;

Demarketinq – strategiyası, istehsalçıların bazara və istehlakçılara yönəlik, istehlakın salınması üçün müvəqqəti istifadə etdikləri marketinq metodudur. Bu metoddan zamanla rebrendinqə gedildiyi zamanda da istifadə etmək olar.

Misal: Ola bilsin ki, şirkət rebrendinqə getməklə nəzərdə tutduğu məhsulun güclənməsində maraqlı olsun. Bu zaman tələbatı artıq olan məhsulu zamanla zəiflədir.

Demarketinq – strategiyası haqqında bu qədər. Söz verdiyim kimi, zamanla müxtəlif marketinq modelləri haqqında sizlərlə nəzəri və praktiki bilgiləri paylaşacam.

Sizin marketinq bələdçiniz…

(168 dəfə baxılıb)

LEAVE A REPLY

Please enter your comment!
Please enter your name here