Təkrar satışları təmin etmək üçün nə etməli?

0
170
HGTV DESIGN TO SELL - logo

  Bir çox hallarda müştəri azlığından, satışların düşməsindən şikayətlər olur. Hər dəfəsində də fikir verirəm ki, bu problemlərin yaranma səbəblərini dərindən araşdıran demək olar ki, yoxdur. Yəni qüsur və xətalar, məhz satış və götürülən sifarişlər zamanı baş verir.

Satışın uğuru hansı andan başlayır?

  Satışın uğuru, müştərinin sifariş verdiyi ilk andan başlayır. Unutmamalıyıq ki, müştəri pul xərclədiyi andan, satış edən tərəfin hərəkətlərini analiz etməyə başlayır. Ona görə ki, o ona əziz olan bir şeydən, puldan ayrılmaq ağır gəlir. Elə isə müştəriyə pulunu sevə – sevə xərcləməsi üçün yardımçı olun. Əgər müştəri ikinci dəfə dönüş edirsə, bu sizin əvvəlki satışınızın nəticəsidir. Təbii ki, belə bir nəticə hər iki tərəfi razı salır. Müştəri artıq davamlı olaraq, alış-verişi və ya sifarişi kimə verəcəyini dəqiq bilir. Satıcı isə müştərisinin nə istədiyini bildiyi üçün hər zaman, loyal müştərisinin görüşünə hazır olur.

  Ancaq bir çox hallarda müştərilərin təkrar dönüşünə diqqət edən tərəflər azlıq təşkil edirlər. Problemlərə adətən restoranlarda, geyim mağazlarında, mebel salonlarında, reklam agentliklərində, kompüter və telefon satılan mağazalarda, texniki servis mərkəzlərində rastlanır. Zamanında fikir verilməyən və diqqətdən kənar qalan müştəri, satıcını cəzalandırmağa başlayır.

Misal: Elə özümün başına gələn bir əhvalatdan başlayım. Bir dəfə paket servisi ilə məşğul olan, restorana müraciət etdim. Dəqiq yadımda deyil, hardasa 25-30 manatlıq sifariş verdim. Mən sual verdim ki, sifariş nə vaxt çatıdırılacaq? Deyildi ki, yarım saat ərzində. Olsun, nə deyirəm ki? Yarım saat keçdi bir xəbər olmadı, 40 dəqiqə oldu yenə xəbər olmadı, 1 saatdan da çox vaxt keçdi yenə olmadı. Təxminən iki saatdan sonra restorandan mənə zəng etdilər ki, sifariş sizin qapınızdadır, zəhmət olmazsa ödənişinizi edin və sifarişinizi alın. Təbii ki, mən çox ağır şəkildə reaksiya verdim. Necə deyərlər telefondakının abrını büküb ətəyinə verdim və sifarişdən də imtina etdiyimi bildirdim. Bu da sizə cəza. Müştəri sifarişdən imtina edir və satıcı zərər edir. İndi özünüz düşünün, gün ərzində 3 ya 5 nəfər bu şəkildə imtina etsə nələr baş verə bilər?

Bəs bunun qarşısını almaq olar mı?

  Olar, niyədə yox. Paket servisi və ya restoranda verilən sifariş yubanırsa, sifariş verən müştəriyə zəng edib yubanması haqqında məlumat vermək, qəzəblənməkdə olan müştərini az da olsa təsəlli edəcəkdir. Ya da sifariş yubanırsa, masaya yaxınlaşıb üzrhaqlıq etməklə, müştərilərdə məkana yönəlik bir dəyər formulunu hazırlamaq olar. Ancaq, təəssüf ki, restoranların əksəriyyəti bu detaylara diqqət etmirlər. Sanki müştərinin bunların dədələrinə borcu var. Mənə görə satış və satışdan sonra davamlı nümayiş olunan diqqət və qayğı, satıcıya loyal müştəri bazasını təşkil etməkdə yardımçı olar.

Bəs cəza nə vaxtdan başlayır?

  1. Məhsul və ya xidmətlər zamanında mı çatdırılıb?
  2. Müştəriyə verilən bütün vədlər icra olunub?
  3. Servis görstərilən zaman, bütün məsələlər müştərinin lehinə icra olunub?
  4. Müştəri ilə satışdan sonra, təkrar dönüşlər olub?
  5. Vədlərə verilən vaxtda, anında əməl olunur?
  6. Müştəri müraciət etdiyi zaman, şirkətin əməkdaşlarını yerində tapa bilir?
  7. Müqavilənin müddəti bitənə qədər, davamlı olaraq müştəri ilə görüşlər olur mu?
  8. Müştəri üçün nə qədər əl çatansınız?

“Uşaqlığın son gecəsi” bədii filmində bir fraqment var. “Söhbət sosiskadan getmir e, adam gərək vnimatelni olsun”. Bəli, satıcı tərəf müştərilərinə qarşı nə qədər diqqətli olsa, o özünə daimi və sadiq müştərini təmin etmiş olar. Əmin olun ki, vnimatelni olan satıcı öz müştərisi tərəfindən başqalarına da tövsiyə olunur. Elə isə vnimatelni olaraq, satışlarınızı yenidən dizayn edin.

Sizin marketinq bələdçiniz….

(130 dəfə baxılıb)

LEAVE A REPLY

Please enter your comment!
Please enter your name here