Yeni məhsulların sizin müştəriləriniz üçün əhəmiyyəti nədir?

0
222

Araşdırma və təhlil…

Bu bizə nə verir? Ancaq bu yol kimə? nəyi? niyə? satmağa çalışdığımızı anlamağa kömək edir. İstehlakçılar varki onlar hər gördükləri yeni məhsulu alırlar. Elələri də vardır ki, onlar məhsul seçimində konservativdirlər.  Marketinq sahəsində peşəkar fəaliyyəti olan hər kəs, bazara çıxartıdğı yeni məhsulun hədəf kütlələr tərəfindən xoş qarşılanacağını istəyir. Ancaq məsələ bir o qədər göründüyü kimi də asan deyil. Yeni məhsul kateqoriyalarına və bu məhsullara hədəf kütlələrin düzgün reaksiya vemələri üçün kütlənin istehsaldan əvvəl aparılmış psixoloji (qablaşma, dizayn, məhsulun keyfiyyəti, xidmətin səviyyəsi, satışdan sonrakı xidmət, məhsulun verdiyi fayda və s.) təhlilləri bizə məhsulları müştərilərimizə ən uyğun şəkildə necə təqdim edə biləcəyimizə yardımçı olar. Oxuduğumuz marketinq və biznes ədəbiyyatlarında verilən tövsiyələr əsasən müştərilərin qorunması haqqındadır. Bir çox hallarda düşünürük ki, məhsulun uğuru bizim özümüzün idealarımızdan yaranmış və bizi qane edən məhsullardır. Əslində isə bu belə deyil. Ona görə ki, uğurlu məhsulun formulu istehlakçıların istək və ehtiyacları üzərində hazırlanır. Necə ki, bunu Toyota şirkəti 2015-ci ildə isbat edə bilmişdi. Şirkət “Camry” modelini rebrendinq edəndə istehlakçıların bütün rəy və fikirlərini nəzərə almışdı. Nəticə isə marketinq mütəxəsislərinin iddialarını doğrultdu. Elə buna görə də “Toyota” şirkətinin ən mühim brendlərindən hesab olunan “Camry” üzərindki rebrendinqi həmin ilin ən uğurlu rebrendinqi adını qazana bildi.

Bazarı araşdırmaqla, istehlakçıların davranışlarını təhlil etməklə marketinq mütəxəsisləri yeni məhsulun sağlam özülünü qoymuş olurlar. Bu isə yeni məhsulda yarana biləcək hər hansı bir problemin real həllidir. Unutmayaq ki, müştərilərimiz bizdən məhsulla yanaşı problemlərinin həlli istiqamətində bir “ümid”də alırlar. Ona görə ki, satışa çıxarılan istənilən məhsul və ya təqdim olunan xidmət istehlakçıların ehtiyaclarında yaranmış hər hansı bir problemin həllinə yönəlikdir. Sizin məhsul istehlakçıların problemlərini həll etmirsə, onlar rəqiblərə gedəcəklər. Problemlər isə müxtəlif ola bilər.

Misal1: Tutaq ki, siz şampun və duş geli istehsal edirsiniz və qablaşmanızın dizaynıda superdir. Ancaq müştərilərə təklif etdiyiniz şampun məhsulları onların saçlarının yağlanmasının, saçlarının kəpəkləməsinin, saç tökülməsi kimi problemlərin qarşısını almır. Ya da duş geliniz müştəriyə təravət vermirsə onda əmin ola bilərsiniz ki, o müştərilər bir daha sizə dönüş etməyəcəklər. Yəni hədəflədiyiniz təkrar satışlar olmayacaq.

Misal2: Ya da siz arıqlama çayları satırsınız. Sizin çaylar artıq çəkidən əziyyət çəkən istehlakçıların bu problemlərinin qarşısını ala bilmirsə, onda sizin satışlarda yarana biləcək problemlər qaçılmazdır.

Elə isə məhsul yaratmazdan əvvəl məhsullar hansı problemləri həll edəcək sualını cavablandırın. Cavab isə istehlakçıların və bazarın dərin araşdırılmasındadır. Ancaq bu yolla biz müştərilərimizin arzu və istəklərinə uyğun  yeni məhsul və məhsul kateqoriyaları yarada bilərik. Bəlkə də keçərik də, əsas olan bazarları və müştəri davranışlarını araşdırmaqdır. Bəzən bu araşdırmalar dərin də olmaya bilər. Sadə bir araşdırma belə bizə ip ucları verə bilər.

Unutmayaq ki, brend bir vəd verir. Elə isə gəlin bu vədlərimizə əməl edək.

Sizin marketinq bələdçiniz…

(97 dəfə baxılıb)

LEAVE A REPLY

Please enter your comment!
Please enter your name here