Qazanclar və itkilər

0
169

Bir neçə gün əvvəl dostum İlkin Ağayev öz bloqunda paylaşdığı – Mən bu ay nə qazandım, firma nə itirdi adlı məqaləsi diqqətimi çəkdi?

Məqaləsi diqqətimi çəkdi və hesab edirəm ki, dostumuz kifayət qədər maraqlı və ağrılı mövzuya toxunub. Elə buna görə də qərara gəldim ki, mən də azdan çoxdan pərakəndədə marketinq şöbəsinin əməkdaşları ilə satış şöbəsi arasında baş verən real anlaşılmazlıqlardan yazım. İlkin məqaləsində bir ticarət nümayəndəsinin ərazidə özünü necə aparmalı və sifarişləri hansı şəkildə idarə etməli olduğu haqqında kifayət qədər geniş və dolğun məlumat verir. Ancaq burada bir məqam da vardır ki, bir ticarət nümayəndəsinin bilərəkdən və yaxud bilməyərəkdən ticari marketinq şöbəsi ilə də aralarında mübahisəli məqamlar yaranır. Bəs bu müabhisəli məqamlar hansılardır?

İlkin məqaləsində deyir: TN satışının normal olması üçün ticarət nöqtəsinin rəfini daima nəzarətdə saxlamalıdır.Bunun üçün təyin edilmiş rut üzrə ticarət nöqtələrini vaxtı-vaxtında ziyarət  etməlidir. Bunun üçün tövsiyəli sifarişdən istifadə etməlidir.Əgər satış nümayəndəsi sifarişi necə gəldi tərtib edirsə, ortaya bir neçə ciddi problemlər çıxır.

  1. Ticarət nöqtəsi lazımi qaydadan çox yüklənirsə buda öz növbəsində SN –nin növbəti ziyarəti zamanı sifariş yaza bilmir.
  2. Məhsulun satılmaması fikiri formalaşır.
  3. Sifarişdən məsul olan şəxs rəfin dolu oluğunu görür və sifariş verməkdən imtina edir.
  4. Satış nümayəndəsi ticarət nöqtəsindən əli boş çıxır. Bu isə istənilən firma üçün pul və satış itkisidir.
  5. Ticari marketinq üçün planlanmayan problemlər və ortaya əlavə büdcə xərcləri çıxır.

Bəli, ticarət nümayəndələrinin tövsiyəli satış sifarişinə əməl etməməsi həm də cari ay üçün planlaşdırılmayan kampaniya deməkdir. Yəni əlavə xərc. Əslində ticari marketinq mütəxəsisi buna getməyə bilər. Ancaq bir məsələ vardır ki, ticarət nöqtəsinin yüklənməsi nəticə etibarilə ticari marketinq fəaliyyətinin də işində axsaqlıqlar yaradır. Təsəvvür edin ki, siz ticari aksiyalar təşkil edərək, ticarət nümayəndəsi tərəfindən yüklənmiş nöqtələrdə məhsullar azalır və ticarət nöqtəsi yüklənmə kimi problemdən qurtulur. Əslində bu cür fəaliyyətin iki tərəfi vardır.

  1. Ticari aksiyalarla düşməkdə olan satışlara dəstək olaraq. Ya satışın artımını, ya da stabil qalmasını təmin etmək.
  2. Ticari aksiyalarla, yüklənmiş ticarət nöqtələrini yüklənmədən qurtararaq, ticari dəstək vasitəsi ilə ticarət nümayəndəsinin tövsiyəli satış sifarişinə əməl etməsini təmin etmək.

Əks halda nəzarətsiz qalan ticarət nümayəndəsi həm ticari marketinq şöbəsinə və həm də şirkətin ümumi satış planlarına öz mənfi təsirini göstərməkdə davam edəcəkdir.

Elə isə satışla birgə fəaliyyət göstərərək həm tövsiyəli satış sifarişlərinin icra edilməsinə və həm də aylıq nəzərdə tutulan büdcədən kənarlaşmaların qarşısını almağa çalışmalıyıq.

Sizin marketinq bələdçiniz…

(91 dəfə baxılıb)

LEAVE A REPLY

Please enter your comment!
Please enter your name here