Yalan danışmayaq…

0
21

Bu dəfəki məqaləmdə şirkətlərin brendinq proesesi zamanı istehlakçılara qarşı buraxmış olduqları səhv məqamlara toxundum. Səbriniz və marağınız varsa oxumağınız məsləhətdir. İqtisadi və siyasi böhranlara baxmayaraq müasir dünya durmadan və sürətlə inkişaf edir. Təbii hal kimi bu prosesin sürətində müasir şirkətlərin də payı danılmazdır. Şirkətlər var ki, sırf istehlakçılar üçün çalışıraq brendləşmə istiqamətində ciddi addımlar atır. Şirkətlər də vardır ki, keyfiyyət yox, kəmiyyət üçün çalışaraq bu kəmiyyəti istehlakçılara keyfiyyət göstəricisi kimi təqdim etməyə və bazara təklif etdiyi məhsullarla istehlakçılar arasında bir brend kommunikasiyası yaratmağa cəhd edir. Məncə yalan danışmağın yeri yoxdur. Bilirsiniz mi niyə? Ona görə ki, şirkətlərin unutduqları bir incəlik vardır. Bu incə nüans istehlakçıların istehsalçı və ya satıcı olan firmaların dürüstlüklərini artıq müəyyən edə bilmələridir. Bəli, bizim istehlakçılar bunu artıq bacarırılar. Kimin yalan və kimin gerçək danışdığını onlar artıq ayırd etməyi bacarırlar. Bəs yaxşı bu bacarığı özlərində necə kəşf etdilər? Çox bəsit. Firmaların illərdir danışdıqları və istehsal prosesi zamanı istehsal etdikləri keyfiyyətsiz məhsullarla və təqdim etdikləri keyfiyyətsiz xidmətlərlə bu qabiliyyəti istehlakçılarda aşkara çıxardaraq onları SMART edən məhz firmalar özləri oldu. Bəs yaxşı bu necə baş verdi? Bu da çox bəsit. Bazara daha keyfiyyətli məhsul və xidmət tədarük edən tərəflər. Onlar həmin firmaların yalanlarını istehlakçılara eyni xarakteristikalı və keyfiyyətli məhsulları təklif edərək, istehlakçıları həm ayıltdılar, həm də onları özlərinin loyal müştərilərinə çevirdilər. Bilirsiniz niyə? Ona görə ki, verilən vədlərə brendlər əməl etmirlər və hesab edirəm ki, bu böhran papaqları qarşımıza qoyub düşünmək üçün bir fürsətdir. Ya yalanlara davam edərək özümüzə quyu qazmaqda davam edəciyik. Ya da istehlakçılarımızla dürüst olacıyıq.

Bəs nə etməli?

Korporativ sosial məsuliyyət deyilən bir anlayış var. Buna əməl etsək brendinq istiqamətində hesab edirəm ki, tutarlı işlər görmək olar. Ancaq yalan danışmamaq şərti ilə. Əvvəldə də qeyd etdiyim kimi istehlakçılar artıq firmaların onlarla dürüst olub olmadıqlarını müəyyən edə bilmə qabiliyyətindədirlər. Elə buna görə də korporativ sosial məsuliyyət strategiyası brendinq prosesinin əsas hissələrindən biri kimi hazırlanmalıdır. Brendinq təkçə gözəl loqo, gözəl dizayn və gözəl qablaşma deyil. Bu həm də ictimai məsuliyyətdir. Mənim birlikdə işlədiyim bir sahibkar var və hazırda çox böyük bir layihə üzərində çalışırıq və o durmadan mənə bir sözü deyir. Famil, bu məhsullara vicdanınızı qatmağı unutmayın. Bu sözləri deyən sahibkarlarımız var olsun və bunu durmadan mənə xatırladan sahibkarımıza da təşəkkür edirəm. Bu həmin insanın istehlakçılara qarşı biganə olmadığının göstəricisidir. Əslində bu yanaşma şirkətin strategiyası səviyyəsində və korporativ strategiyanın özündə  sözün əsl mənasında hiss etdirməlidir. Əgər brendinq prosesi zamanı  sosial məsuliyyət özünü brenddə ehtiva etməyəcəksə, brendinq prosesi zamanı xərclənən bütün pullar boşuna xərcləndi deməkdir. Ona görə ki, brend sözdə istehlakçıya verdiyi vədlərə əməl etməyəcək və buna görə də istehlakçı ondan imtina edərək onunla dürüst olan, sözünə və vədinə əməl edən brendlərin axtarışına çıxacaq. Buna əmin ola bilərsiniz. Özünü yalandan korporativ sosoial məsuliyyətli firma kimi təqdim etməyə çalışanlar üçünsə belə yanaşma daha ağır fəsadlara yol açacaqdır.

Misal1: Tutaq ki, hansısa ölkədə məhsul istehsal etdirir və onu da gətirib Azərbaycanda sadəcə qablaşdıraraq adına da yerli istehsal məhsulu damğasını vurursa bunun özü artıq korporativ sosial məsuliyyətlilikdən çıxır. Bu açıq aşikar yalandır. Firmalar istehslakçılarla dürüst olmadıqları dönəmlərdə bazara təklif etdiyi istənilən brenddə ciddi xətalar olacaq və bazarda yerini tuta bilmədən yox olub gedəcəkdir.

Misal2: Tutaq ki, hansısa sığorta şirkəti öz müştərilərinə müxtəlif növdə bər-bəzəkli xidmətlər paketini təqdim edirsə və bu paketlərdən cəlb etdiyi müştərilərə sataraq, sonra da hadisə zamanı müştərilərinə qarşı biganəlik göstərirsə bu artıq həmin sığorta şirkətinin korporativ sosial məsuliyyətinin olmamasından irəli gəlir. Qısası öz müştərilərinə pul ödəməmək üçün müxtəlif cür metodlara əl atırlar. Sizcə narazı qalan müştəri bir ildən sonra bu sığorta şirkətinin təqdim etdiyi digər sığorta paketlərindən yararlanar?

Qısası korporativ sosial məsuliyyət strategiyasını brendinq prosesinə start verilən andan hazırlamaq lazımdır.

Bəs ümumi olaraq nə edilməlidir? Sualının cavabı sizi maraqlandırır, elə deyil? Bunun bircə cavabı var. İstehlakçılara yalan danışmayaq.

Sizin marketinq bələdçiniz…

 

(118 dəfə baxılıb)

LEAVE A REPLY

Please enter your comment!
Please enter your name here