Şirkətləri həlak edən hədəfsiz məqsədlər…

0
187

Bu dəfəki məqaləmdə müxtəlif biznes sferalarına yatırım edib, sonradan məhsulu və ya xidməti kimə satacağını bilməyən iş adamlarının fəaliyyəti ilə bağlı yazmaq istəyirəm. Artıq 9 ildir ki, istehsal marketinqi ilə məşğulam. Sizə kiçik bir sirr açıram marketinq haqqında A-dan Z-yə bütün bilgiləri siz nağıllara bənzər yazılmış kitablardan deyil, bir başa istehsal marketinqindən əldə edə bilərsiniz və ən əsası da FMCG sektorda. Sınayın. Məsələ burasındadır ki, bir çox iş quran dostlar, yoldaşlar və s. fərq etməz kiçik sahibkar, ya iri sahibkar əvvəlcə biznesə yatırım edirlər daha sonra düşürlər müştəri axtarışına. Bir çoxları fikirləşir ki, problem bazarda və ya istehlakçılardadır. Xeyr, heç də elə deyil. 9 ildə 3 böyük istehsalı olan zavodlarda marketinq menecer kimi iş fəaliyyətim olub. İstehsal avadanlıqlarını və ya avadanlıqların aylıq istehsal gücünü müəyyən etdikdə nəticələr heç də ürək açan olmurdu. Belə ki, yatırımlar sadəcə investorun öz şəxsi instinkti və israrlı mövqeyi ucbatından yatırımlar edilir və çox təəssüf ki, belə yatırımlar bu gün də davam edir. Yaxud 2-ci, 3-cü ya da 4-cü əldən istehsal avadanlıqları alınır, böyük vəsaitlərin xərclənməsi davam edir və istehsalın aqibəti KOMAlıq olur. Bunların əksəriyyəti isə bir çox hallarda öz istismar dövrünü bitirmiş avadanlıqlardır ki, bunlardan çıxan məhsullar da bir çox hallarda nə bazarın, nə də istehlakçıların tələbatını ödəmirlər. Avtomatik olaraq müəssisə özünə bazarda və daxildə böhran yaradır.

Bəs bu hal hansı hallarda baş verir?

Bunun ən başlıca səbəbi iş adamlarının diqqətlərini bazarın və istehlakçıların dəyişən tələbatlarına deyil, sırf məhsul istehsalına və satışlara yönəltmələridir. Necə ki, bunu Kodak firması, Nokia mobil telefon şirkətləri real olaraq bazara məhz bu şəkildə fokslanaraq bazara yenilikçi və güclü şirkətlərin və ya brendlərin  çıxmalarına real şərait yaratdılar. Nokia Nseries smartfonlarını inkişaf etdirmədi deyə, 2007 –ci ilin iyun ayında İphone smartfonu bazara çıxaraq Nokia Nseries smartfonlarının bazarına ciddi zərbə vurdu. Kodak 100 ilin nəhəng şirkətlərindəndir. Ancaq bu nəhəngliyin enişi 1980 ci ildə Sony şirkətinin yeni nəsil rəngli fotokamera və video kameraları satışa buraxması ilə başladı. Bilirk ki, marketinq yarandığı gündən günümüzə qədər bir çox mərhələləri keçərək inkişaf etmiş və şaxələnə bilmişdir. Hazırki dönəmdə aktual olan mövzu customer/cunsomer (müştəri,istehlakçılardır)– öz seçiminiz olan məhsulunuz (product) və ya xidmət haqqında bir müddət fikirləşməyin. Siz yaxşısı budur ki, istehlakçıların arzuladıqları məhsullar barəsində fikirləşəsiniz. Bu kateqoriya şirkətlərdən öz məhsulları və ya brendləri üçün hədəf kütləni düzgün seçməyi qarşılarına şərt olaraq qoyur. Hədəf kütləsini seçdikdən sonra alıcının istək və tələbatlarını aşkarlamalı, ona uyğun məhsul ortaya qoyulmalıdır. Başqa sözlə desək, məhsulu istehsal edib, ondan sonra müştəri axtarmaq əvəzinə müştəri auditoriyasını müəyyən edib, daha sonra onun tələbatı olan məhsulu istehsal edərək bazara və müştərilərə təklif etmək lazımdır.

Sual: Bəs yaxşı əgər istehsal xəttləri artıq mövcuddursa və ya artıq məhsullar əlimizdədirsə, bəs onda necə olsun?

Cavab: Elə isə cari məhsul kateqoriyalarının istehlakçılarının axtarışına çıxın. Onların harada olduqlarını müəyyən edin və öz məhsullarınızı onlara təklif edin.

Unutmayaq ki, marketinq proseslərdən başlayır. Bu proseslərə kifayət qədər diqqət ayırmasanız sizi əmin edirəm ki, heç bir marketinq strategiyanız, heç bir 4P, 4C marketinq modelləriniz işləməyəcək.

Sizin marketinq bələdçiniz…

 

(136 dəfə baxılıb)

LEAVE A REPLY

Please enter your comment!
Please enter your name here