Dünya brendlərinin böhran zamanı satışlarını artıran beş əsas qayda…

0
48

Əziz oxucu bu dəfəki məqaləmdə də böhranlı dönəmlərdə dünya brendlərinin vəziyyətdən çıxış yolları haqqında yazmaq qərarına gəldim. Böhrandan qorxduğum üçün yox, əksinə mən böhrana daim fürsət kimi baxdığım və ən əsası da optimist biri olduğum üçün və elə buna görə də hesab edirəm ki, böhran haqqında nəzəriyyədə toxunulan dönüş nöqtəsi məsələsi bir həqiqətdir. Əgər biz işlərimizdə və ya şəxsi həyatımızda həqiqətən də dönüş nöqtəsi yarada biləriksə və bu dönüş nöqtəsindən sonra bir dəyişiklik istəyiriksə, mənə görə özümüz dönüş nöqtələrimizi müəyyən etməliyik. Heç vaxt unutmaram 2008-ci il idi. O ərəfələrdə mən Ukraynada idim. Yəqin ki, xatırlayanlarınız var 2008-ci ildə də dünyanı iqtisadi böhran bürümüşdü. O dövrdə də 2008-ci il böhranını doğru dəyərləndirən şirkətlər qalib çıxdılar və böhranın təsirindən seyrələn bazarda sürətlə güclənməyə başladılar.

Böhran Famil Alməmmədova görə nədir?  

Bu sualı əminəm ki, vermək istəyənlər var. Elə isə bu suala cavab yazıram. Böhran mənə görə böyük bir gücdür. Elə bir güc ki, ondan öz xeyrinə yararlana bilsən qalib olacaqsan, yararlana bilməsən məğlub. Məhz elə buna görə də bu gücü biznesin xeyrinə dəyərləndirmək lazımdır deyə düşünürəm. Sadə bir misal: Elektrik cərəyanı. Bu bir gücdür. Yaşadır və ya öldürür. Elektrik cərəyanı vasitəsi ilə biz bir tərəfdən evimizi işıqlandırırıq, bir tərəfdən evlərimizi isidirik və s. saymaqla bitməz. Bəs yanlış istiqamətdə istifadə etsək necə? Onda da ya şikəst edir, ya öldürür ya da yarım can edir. Baxın bu böhran üçün ən uyğun açıqlamadır. Böhranın verdiyi fürsətləri doğru dəyərləndirə bilən biznes sahibləri, bizneslərinə güc verir. Yanlış dəyərləndirənlər isə bizneslərini ya öldürürlər, ya da yarım can hala salırlar.

Gəlin baxaq görək dünya miqyaslı brendlər böhran dönəmində satışlarını necə artırırlar? Misallarla.

  1. Prestiji olan məhsulların satış qiymətlərinin artırılması.
  • Coca-cola 1981-ci ildə bahalı içkilər xəttini açdı və içkilərin bahalı olmasna yönəlik heç bir mənfi reaksiya qeydə alınmamışdır.
  1. Aşağı seqment qiymətləri ilə assortiment portfelini genişləndirmək.
  • Panasonic 1998-ci il böhranı zamanı əksər bahalı seqmnetdə olan məhsul portfelini azaldaraq, aşağı seqment qiymətlərlə bazara məhsul təklif etdi. Bu strategiyası Panasonic üçün çox uğurlu oldu. Belə ki, şirkətin həm müştəri bazası genişləndi və həm də şirkət böyük gəlirlərə sahib oldu.
  1. Xammala və köməkçi materiallara olan xərcləri azaltmaq.
  • Nestle də 1998-ci il böhranında öz bazar payını xammala, köməkçi materiallara olan xərclərini azaltmaqla genişləndirə bildi.
  1. Xidmət sahəsindən qazanc əldə etmək.
  • General Electric 1981-ci ildə sənaye məhsullarına olan qiymətlərini demək olar ki, maya dəyərinə qədər sala bildi. Ancaq digər tərəfdən sənaye  sahəsində xidmətinin keyfiyyətini və xidmət sahələrini genişləndirərək daha çox gəlir əldə etməyə başladı.
  1. Satış üzrə peşəkarlaşmaq
  • Lipton 1981-ci ildə əsas xərclərini satıcılarının peşəkarlığına yönəldərək dünyanın ən tanınmış çay brendi ola bildi. O vaxtdan Liptonda belə məsəl qalıb: “ İnsanlar hər zaman alırlar, sadəcə olaraq çətin dönəmlərdə onlar ancaq peşəkarlardan alış edirlər”.

Çəkilən misallardan da bəlli oldu ki, böhrandan qorxmaq lazım deyil. Əksinə onun vermiş olduğu fürsətləri peşəkarlıqla dəyərləndirmək lazımdır. Heç kəs bizə böhranın törətdiyi probelmi tək başımıza həll etməyimizdə də israr etmir. Sadəcə olaraq bazarda yaranan boşluqları və bazarın verdiyi fürsətləri öz xeyirimizə həll edə bilərik. Əmin olun ki, bu mümkündür. Necə ki, mən 2016-cı ilin Dekabr ayında, həm də bazarın çalxalanan vaxtında “BUTAM” çay brendini qura bildim və çox şükür bu gün əziyyətimiz öz bəhrəsini verir. Bundan savayı hazırda bir duz brendi üzərində də çalışıram. Bu da sizə böhranlı dönəmlərdə yerli keyslərdən nümunə. Kifayət edər ki, özünüzə və quracağınız brendə inanasınız. Gerisi inanınki alınacaqdır.

Sizin marketinq bələdçiniz…

 

(105 dəfə baxılıb)

LEAVE A REPLY

Please enter your comment!
Please enter your name here