Skruc Makdak müştəri tipi

0
35

Bir çox satıcılar müştərilər onlardan mal almayanda sözün əsl mənasında müştərilərin arxasına vedrə qoşurlar. “A yetim pulun yoxdursa, bura nəyə gəlmisən?”, “Həm pulu yoxdur, həm də vaxtımı aldı”, “ Heç özü bilmir nə istəyir?” və s. Dostlar, əslində müştərilərin əksəriyyətinə mal(xidmət) satmaq mümkündür. Bəlkə problemi müştərilərdə yox, özümüzdə axtaraq. Nə deyirsiniz? Satış prosesinin kökünə baxsaq, bu çox qəliz bir prosesdir. Necə demişlər: Həm qəlizdir, həm də vacib. Qəliz olduğu qədər də satışlara ciddi yanaşılmalıdır. Aramızda elə satıcılar var ki, onlar hər müştəriyə uyğun satış edir, elələri var ki, şablon satış taktikasından istifadə edirlər. Dolayı da olsa bir təhər satışlar baş tutur. Bəs satış etməyin asan yolu yoxdur? Var təbii ki. Satışın baş tutmasının ən asan yolu müştərilərimizin tipajını hansı dəqiqliklə müəyyən edə bilməyimizdən və onların tipinə uyğun satış etməyimizdən çox asılıdır. Qısası satıcı müştərisinin psixotipini nə qədər tez müəyyən etsə, satışı da bir o qədər asan olacaqdır. Mən zamanla bloqpostlarımda müştəri tiplərinə aid bloqpostlar yazıram. Bu dəfə də müştəri tipinə toxunmaq istəyirəm. Mütəxəsislər bu tipajın adını bir çoxlarımıza uşaqlıqdan tanış olan cizgi filmi qəhrəmanı olan “Skruc Makdak” adını veriblər.

Skruc Makdak tipini necə müəyyən edə bilərik?

Bu tipdən olan müştərilər olduqca simic və olduqca xəsis təbiətə sahibdirlər. Belə ki, bu müştərilər hər qəpiyi sayan, maksimum endirim tələb edən olurlar. Bu müştərilər adətən satışda olan məhsullardan ən ucuz olanını alırlar. Sonradan isə məhsulun (xidmətin) keyfiyyətindən narazılıq edirlər. Onlar davamlı olaraq almaq istədiyi məhsulu müzakirə etmək üçün geri dönürlər. Skruc Makdaklar – Satıcılardan gələcəyə dair də məlumat almağa çalışırlar. Təsəvvür edin ki, bir məhsulu bəyəniblər və soruşurlar ki, bu malı indi yox, 3 ay sonra almağa gəlsə qiymətdə düşüşlər gözlənilir? Yaxud, bunu 3 ay sonra daha böyük endirimlə ala bilərəm?

Skruc Makdakın hərəkət sxemi

“Siz təklifinizi verin, əgər məni qane etsə, dediyiniz məbləği ödəyəcəm”.

Bu tipdən olan müştərilərlə necə davranılmalı?

  1. İlk sualı satıcı özünə verməlidir: “ Bu mənim müştərimdir?”, “ Bu müştəriyə vaxt sərf etməyimə dəyər?” Onu da qeyd edim ki, bu tipdən olan müştərilər bir çox hallarda satıcıların vaxtını çox alırlar. Satıcılar isə bu vaxt ərzində potensial müştərilərini itirmək riskini daşıyırlar.
  2. Müştəridən əldə etmək istədiyi mala (xidmətə) aid detallı məlumat almaq. Detaylı məlumatların alınması müştərinin satıcıya yönəlik etirazlarını minimuma salır. Unutmayaq ki, Skruc Makdak etiraz etməklə daha böyük endirim əldə etməyə çalışaır.
  3. Siz uzun müddətli istehlak malları (mebel, elektrik avadanlıqları, kondisonerlər və s.) satırsınızsa, onda Skruc Makdakla mal (xidmət) haqqında hər şeyi detallı fiksləyin və razılaşdırın. Və sonda da işin icra vaxtını da razılaşdırın. Əks halda problemlər yaşayacaqsınız.

Bloqpost ümumi olaraq müştəri tiplərini əhatə etməsə də, müəyyən etdik ki, satışların asanlığı və baş tutması üçün müştəri tiplərini tanımağımız mütləqdir. Ona görə də elə bu andan müştərilərinizi tanımağa, onlarla daha rahat və daha asan yollarla ünsiyyət qurmaq üçün atacağınız addımları əsirgəməyin. Unutmayın ki, cəhd etməsəniz prosesləri dəyərləndirməkdə çətinlikləriniz olacaqdır. Burada mən bloqpostu yekunlaşdırıram. Göydən üç alma düşdü – biri mənim, biri bloqpostu oxuyanın, biri də bloqpostu oxuyub təcrübədə dəyərləndirənin.

 

(145 dəfə baxılıb)

LEAVE A REPLY

Please enter your comment!
Please enter your name here